18‏/04‏/2010

أنا هنا يا ابن الحلال

حوار مع المدونة بسمة عبد الباسط في مجلة زهرة الخليج عن حملة أنا هنا يا ابن الحلال


بسمة عبد الباسط:
أتوقع أن تختفي كلمة عانس قريبا


((أنا هنا يا ابن الحلال)) شباب مصر يحارب ارتفاع المهور







14‏/04‏/2010

إختفاء كائن فيسبوكي أصيل


يوم جمعة بالليل وأنا تحت بطانيتي بقلب في الأرقام اللي ع الموبايل عشان اشوف مين بقاله كتير مختفي ماعرفش عنه حاجة من زمن .. كانت بسمة عبد الباسط
وبما أني بدأت اتعلم الندالة وقعدت كتير مش بكلمها لا نت ولا تليفون فأكيد مختفية
قولت ارن عليها اشوفها عاملة ايه .....
ردت لي نفس الرنة وحلو اوي كدة .. يبقي الست بخير الحمدلله


المهم ايه .. تاني يوم بدور على الأكونت بتاعها لسبب في نفسي مالقيتوش مع أن نيتي كانت سليمة ..!
بشوف في النوتس بتاعتي بما أني دايما بعمل لها تاج .. لقيت الأكونت بتاعها مقفول ..!
اشوفها ع الميل بس هي غايبة بقالها كتير عنه أو بتدخل أوف لاين
وبالصدفة بقلب في المدونات اللي عندي وبدخل بتاعتها لقيت
((لا يبدو أنك مدعو لقراءة هذه المدونة الإلكترونية. إذا كنت ترى خطأ في ذلك، فقد يكون عليك الاتصال بمؤلف المدونة الإلكترونية وطلب دعوة.))
وبما أني بشطب على رصيدي دايما ومش بيقعد ليلة معايا .. أساسي كان (لقد نفذ رصيدكم) وأنا برن عليها تاني والحل كان في الرسايل المجاني فبعت لها رسالة بس ماوصليش تقرير أن الرسالة وصلت ..!
اسأل عليها حد مثلا ..؟ بس أكيد يعني ماحدش هيكون عارف عنها أي حاجة بما أن كل الوسائل مقفولة كدة
راحت فين البت يا ناس ..!


دماغي بقي يجيب يمين وشمال وتخمينات بالعبيط .. وبما أني بسرح في حاجات غريبة وبفكر في حاجات أغرب
ما علينا ايه هي بالظبط .. كان واحد منهم إنها تكون اعتقلت هي كمان .. ما هم شغالين بقالهم فترة بيعتقلوا في العالم وكان ناقص بس ياخدوا بسمة عشان الليلة تكمل
والغريب بقي أن اللى اعرفهم وصلني خبر إعتقالهم يوم جمعة وبسمة برده اختفت يوم جمعة .. متفقين باين ..!
ماهي لو معتقلة الموبايل يكون مقفول ماشي .. إنما المدونة والأكونت مقفولين ليه !! ما بتكتبش حاجة يعني يوصل للإعتقال ..!


يمكن تكون مش عاوزة تدخل نت تاني .. بس إزاي دي بسمة كائن مدوناتي وفيسبوكي أصيل جدا فجأة كدة تهجر العالم ده ..!
مش ممكن دي زيها زينا كلنا .. النت أفيون حياتها
يمكن تكون زعلانة أو تعبانة ..!


المهم نفوخي صدع من التخمينات فقررت اجيب توك توك إفتراضي وميكروفون وانزل ادور في كل دهاليز الفيس بوك والمدونات والايميلات يمكن الاقيها تايهة هنا ولا هناك
"يا ولاد الحلال بروفايل بسمة عبد الباسط تايه .. اللي يعرف عنها أي حاجة يجي يكتب لي ع الوال أو يعلق في مدونتي"


ضحى حلمي

11‏/04‏/2010

انتمائنا من تاريخنا



يوم السبت الموافق الثالث من أبريل وفي ساقية الصاوي بالزمالك ...
واصل فريق عيد الانتماء تحقيق ما بدأه في إنطلاقته في شهر فبراير الماضي وذلك بإقامة ندوة ثقافية تحت عنوان "انتمائنا من تاريخنا" وكانت الندوة عن شخصية أحمد عرابي في ذكري مولده.


انقسمت الندوة إلى قسمين .. ادار القسم الأول منها الكاتب الشاب محمد التهامي صاحب فكرة عيد الانتماء حيث تحدث في هذا القسم عن الجانب التاريخي في حياة أحمد عرابي وعن طبيعة تلك الفترة التي عاش فيها عرابى واضاف للحضور مجموعة من المعلومات التاريخية الجديدة عليه.


ثم جاء القسم الثاني من الندوة والذي اداره الدكتور شريف عرفة طبيب الأسنان والكاتب والمحاضر في مجال التنمية الذاتية ورسام الكاريكاتير .. وفي هذا الجزء تحدث معنا دكتور شريف عن الصفات القيادية في شخصية عرابي كما تحدث عن صفات القائد وأنواع القواد ضاربا المثل بعديد من الشخصيات التاريخية على مستوى العالم، وختمها بسؤال مهم أن يجيب عليه كل شخص فينا .. لماذا نذكر عرابى حتى اليوم؟
والإجابة التي تتلخص في عظمته التي تجلت في اجتهاده ومجهوداته التي بذلها من أجل مصر .. لنلخص في النهاية أن على كل شخص أن يبدع ويخلص في عمله وأن يفكر فيما سيتركه للعالم من بعده وفي كيف سيذكره الناس من بعده.


ندوة "انتمائنا من تاريخنا" هي أحدى أنشطة فريق عيد الانتماء في تحقيق هدفه "مصر أحلى بالثقافة" والتي تهدف إلى ارتقاء المستوى الثقافي للمصريين والشباب كما تهدف إلى إبراز رموزنا المصرية المميزة في جميع المجالات، حتى نتخذ منهم قدوه لنا.


وقريبا ستقام العديد من الندوات الثقافية الآخرى عن شخصيات مصرية مختلفة برعاية فريق عيد الانتماء.


دعاء جميل

دعاء جميل أئناء تقديم الندوة

الأديب محمد التهامي أثناء الحديث عن الجانب التاريخي

د. شريف عرفة أثناء الحديث عن الجوانب التنموية

فريق عيد الانتماء