27‏/05‏/2010

بسمة في التوك توك


بعدما بحثت عن بسمة عبد الباسط الكائن الفيس بوكي الأصيل بالتوك توك الذي ذاع سيطه كل أرجاء الأنترنت.
عادت بسمة خوفا من الفضيحة التي سببها ذلك التوك توك اللعين.
عودة حميدة يا "آنسة" بسمة .. ولا تزوجتي قبل ما ترجعي .. قد يكون هذا سبب إختفائك.


والآن حان وقت محاسبتك على أجرة ذلك السائق الذي كان يترنح بي طوال ستة أسابيع .....
وأجرة ذلك الميكروفون الذي خرب من كثرة إستعماله ......
وأجرة إصلاح التوك توك .. تغيير قطع غيار وكاوتشات وسقف وكتابة عليه وما إلى ذلك من حبشتكانات ......

وأجرة الطبيب المعالج للأعراض التي ظهرت عليّ من أثر البحث عنك .. صوتي الذي لم يتوقف عن ترديد:
"يا ولاد الحلال بروفايل بسمة عبد الباسط تايه .. اللي يعرف عنها أي حاجة يجي يكتب لي ع الوال أو يعلق في مدونتي"
و.....
"وشربت حجرين ع الشيشة .. آه ياني ياني ياني .. مش هعمل كدة تاني".
وحسابات أخرى ... كفايانا فضايح من الآخر.


حمدا لله على سلامتك يا بسمة .. أنا كنت عارفة أن الأصيل مش بيسيب أهله وناسه مهما كان .. وعشان الفيس بوك عرف يربيكي رجعتي لنا من تاني ......


ضحى حلمي

21‏/05‏/2010

إحتفال فريق عيد الانتماء بذكرى ميلاد كوكب الشرق أم كلثوم


يواصل فريق عيد الانتماء ما بدأه في فبراير الماضي من أنشطة لتشجيع الشباب على حب مصر والعمل على زيادة روح الانتماء لديه وربطه برموزه التي آثرت كثيرا في تاريخ هذه الأمة، فكان إحتفال الفريق يوم السبت الموافق الخامس عشر من مايو في المركز الكاثوليكي بوسط البلد بذكرى ميلاد السيدة أم كلثوم والذي كان ذكرى ميلادها يوم الرابع من نفس الشهر.


فكان من ضيوف الإحتفالية الأستاذ أحمد عمارة متخصص الصحة النفسية والمطرب بلال الشيخ مدرس العود بساقية الصاوي وأدار الندوة المذيع الشاب إياد داود، وكان من المقرر حضور الفنانة صابرين والتي اعتذرت في اللحظات الأخيرة بسبب حالة من الإرهاق الفجائي انتابتها أثناء تصويرها لمسلسها القادم والذي انتقلت على آثرها للمستشفى
.


بدأت الندوة بعرض فيلم وثائقي قصير فيه عَرض سريع لمقتطفات من حياة أم كلثوم ....
ثم كان التعريف بالفريق وأهدافه الذي أعقبه كلمة للأستاذ خالد صلاح من جمعية الناس وكلمة للأستاذ إبراهيم كُريم مدير شركة بصمات للدعاية والإعلان.
وعلى مدار ما يزيد عن الساعة والنصف بين الحديث عن أم كلثوم من الناحية الفنية والنفسية والإنسانية وبين الإستمتاع بالغناء من المطرب بلال الشيخ كانت ندوة إحياء ذكرى ميلاد السيدة العظيمة أم كلثوم.


ثم تقدمت شيرين ثروت مؤسس فريق عيد الانتماء بكلمة للجمهور للتعريف بفكرة عيد الانتماء وأهداف الفريق وأحلامه، وبشكر أعضاء الفريق على مجهوداتهم كما قامت بتسليم شهادات التقدير والدروع للضيوف حيث تم تكريم كلٌ من: الأستاذ أحمد عمارة والمطرب بلال الشيخ والمذيع إياد داود على مشاركتهم لفريق عيد الانتماء بتقديم شهادة تقدير ودرع لكلٌ منهم وقد تسلم المذيع رامي العقاد المذيع بقناة البدر درع التكريم بالنيابة عن الفنانة صابرين.


كما تم تكريم الصحفي ماجد إبراهيم والأب بطرس دانيل مدير المركز الكاثوليكي كما تسلم خالد صلاح شهادة التكريم عن الأستاذ عبد السلام الخضراوي عضو مجلس الشورى.


وفي النهاية التقط أعضاء الفريق صورة جماعية مع ضيوف الندوة وشاركهم فيها بعضا من الجمهور، وكان ذلك في حضور العديد من القنوات التلفزيونية والصحف.



دعاء جميل




إحتفال فريق عيد الانتماء بذكرى ميلاد كوكب الشرق أم كلثوم


يواصل فريق عيد الانتماء ما بدأه في فبراير الماضي من أنشطة لتشجيع الشباب على حب مصر والعمل على زيادة روح الانتماء لديه وربطه برموزه التي آثرت كثيرا في تاريخ هذه الأمة، فكان إحتفال الفريق يوم السبت الموافق الخامس عشر من مايو في المركز الكاثوليكي بوسط البلد بذكرى ميلاد السيدة أم كلثوم والذي كان ذكرى ميلادها يوم الرابع من نفس الشهر.


فكان من ضيوف الإحتفالية الأستاذ أحمد عمارة متخصص الصحة النفسية والمطرب بلال الشيخ مدرس العود بساقية الصاوي وأدار الندوة المذيع الشاب إياد داود، وكان من المقرر حضور الفنانة صابرين والتي اعتذرت في اللحظات الأخيرة بسبب حالة من الإرهاق الفجائي انتابتها أثناء تصويرها لمسلسها القادم والذي انتقلت على آثرها للمستشفى
.


بدأت الندوة بعرض فيلم وثائقي قصير فيه عَرض سريع لمقتطفات من حياة أم كلثوم ....
ثم كان التعريف بالفريق وأهدافه الذي أعقبه كلمة للأستاذ خالد صلاح من جمعية الناس وكلمة للأستاذ إبراهيم كُريم مدير شركة بصمات للدعاية والإعلان.
وعلى مدار ما يزيد عن الساعة والنصف بين الحديث عن أم كلثوم من الناحية الفنية والنفسية والإنسانية وبين الإستمتاع بالغناء من المطرب بلال الشيخ كانت ندوة إحياء ذكرى ميلاد السيدة العظيمة أم كلثوم.


ثم تقدمت شيرين ثروت مؤسس فريق عيد الانتماء بكلمة للجمهور للتعريف بفكرة عيد الانتماء وأهداف الفريق وأحلامه، وبشكر أعضاء الفريق على مجهوداتهم كما قامت بتسليم شهادات التقدير والدروع للضيوف حيث تم تكريم كلٌ من: الأستاذ أحمد عمارة والمطرب بلال الشيخ والمذيع إياد داود على مشاركتهم لفريق عيد الانتماء بتقديم شهادة تقدير ودرع لكلٌ منهم وقد تسلم المذيع رامي العقاد المذيع بقناة البدر درع التكريم بالنيابة عن الفنانة صابرين.


كما تم تكريم الصحفي ماجد إبراهيم والأب بطرس دانيل مدير المركز الكاثوليكي كما تسلم خالد صلاح شهادة التكريم عن الأستاذ عبد السلام الخضراوي عضو مجلس الشورى.


وفي النهاية التقط أعضاء الفريق صورة جماعية مع ضيوف الندوة وشاركهم فيها بعضا من الجمهور، وكان ذلك في حضور العديد من القنوات التلفزيونية والصحف.



دعاء جميل




20‏/05‏/2010

تغطية قناة إعلامنا لإحتفالية أم كلثوم

تغطية قناة إعلامنا

يوم السبت الموافق 15 مايو 2010
جزء من الاحتفال بذكرى ميلاد
السيدة أم كلتوم
والذي قام به فريق عيد الانتماء
بالمركز الكاثوليكي المصري



13‏/05‏/2010

الاحتفال بذكرى كوكب الشرق بالمركز الكاثوليكى






في موقع اليوم السابع
كتبت أمل صالح


يستضيف المركز الكاثوليكى بمقره الرئيسى بوسط البلد السبت القادم 15 من شهر مايو الجارى مبادرة فريدة من نوعها لمجموعة من الشباب يلبسون قبعة تحمل اسم "فريق عيد الانتماء"، وذلك للاحتفال بمصر فى ذكرى كوكب الشرق أم كلثوم صوت الأمم.

تقام الاحتفالية فى تمام السادسة مساء وتستضيف عددا من الكوادر والرموز المصرية كالفنانة صابرين مجسدة قصة حياة كوكب، ومطرب التراث الشرقى بلال الشيخ، وأحمد عمارة، كما يدير الندوة المذيع الشاب إياد داود.

11‏/05‏/2010

إحياءا لذكرى أم كلثوم


عندما نذكر كلمة مصر في الخارج يأتى في ذهنك عدد من الشخصيات التى تمثل مصر في ذاكرتك على رأسهم السيدة أم كلثوم التى ارتبط أسمها بمصر , كأنه أصبح شيء واحد ,كل منهما يمثل الاخر و يعبر عنه

و لذلك قرر فريق عيد الانتماء الاحتفال بمصر متمثلة في السيدة أم كلثوم
بإقامة ندوة عامة في ذكرى ميلادها للحديث عن إنجازاتها وعبقريتها في تحقيق أهدافها رغم قلة الإمكانيات والظروف البسيطة التي كانت في مصر آنذاك وكيف يستفيد الشباب من ذلك في حياتهم في ظل التطور العلمي والتكنولوجي الذي نعيش فيه هذه الأيام

تقام الندوة في مسرح المركز الكاثوليكي يوم السبت القادم الموافق 15 مايو 2010
في تمام السادسة مساءا


ضيوف الندوة :
"""""""""""""""""
الفنانة : صابرين
الاستاذ : احمد عمارة
المطرب الشاب: بلال الشيخ

ويدير الندوة المذيع الشاب : إياد داود


الدعوة عامة للجميع يسعدنا تشريفكم


العنوان :
""""""""""
2 ش بنك مصر متفرع من شارع شريف -وسط البلد -القاهرة
أمام مبنى بنك مصر - المركز الكاثوليكي




06‏/05‏/2010

تحبها سادة ولا سكر زيادة؟


نادرا ما تلاقي على الموقع الإجتماعي الفيس بوك صفحات أو مجموعات تقدر تستفيد منها بمعلومة أو بأي حاجة ... وده للاسف بسبب إنتشار "الهيافات" في كل مكان وقليلين اللي بيدوروا على حاجة كويسة .. مش مجرد ضياع وقت .......

صفحة "تحبها سادة ولا سكر زيادة؟" واحدة من القليلات المفيدات .. صفحة ممتعة بتقدم مقالات مختلفة .. جدولها ماشي بالشكل ده:
الأحد : القلم الحر - محمد بربر
الخميس : عظماء من تحت الصفر
فكرة واخراج: منار قدري
اعداد: اسماء احمد
منار قدري

باقي أيام الأسبوع موضوعات متنوعة

في الصفحة قدمت "منار قدري" واحدة من التدوينات اللي كتبتها أنا قبل وهي (جواز عن جواز .. يفرق) كعرض ليا ولمدونتي واخدت رأي الناس فيها ........:


في الحقيقه من ساعة ما عملت الصفحة و انا بقي يجي لي ريكويستات صداقه كتير اوي و غالبا بلاقي بينا ناس مشتركه ماشي و أغلبهم صحفيين شئ جميل و كان من ضمن الناس دي "ضحى حلمي" و ضيفنا بعض و بشوفها من وقت للتاني تكتب أرائها و بتقدم ناس في صفحتها و بتكتب مقالاتها قولت دي صحفيه و لما قرأت لها اعجبت بأرائها جدا و كانت المفاجأه ان الست الصحفيه الكبيرة الجميلة دي بنوته في ثانوي ايه اه واللهي بنوته في ثانوي !!! ما بقيتش مصدقه و قررت اني اعرض لها مقاله عجبتني جدا و احب اشعرف رأيكم انتوا كمان و اعرفكم عليها اسمحوا لي اقدم لكم بنوته جديده للصفحه


ده موضوع هي منزلاه شوفوا وقولوا رأيكم

"لا أنا مستحيل أتجوز جواز صالونات لازم أتجوز عن حب"

استني استني ماتتحمقيش أوي كدة .. فكرتي صح الأول؟ تفتكري إيه الفرق بين جواز الصالونات والجواز عن حب؟! أنا أقولك....
جواز الصالونات هو أنه واحد "ابن حلال" أتقدم لك واتخطبتي له عشان هو كويس وإمكانياته كويسة وطيب ويعرف يعيشك في مستوي كويس بس أنتي ما بتحبيهوش .. الاعتراض في أنك ما بتحبيهوش.


أما بقي الجواز عن حب هو أنك كنت "مرتبطة" بواحد قبل ما يخطبك وبعدين يتجوزك ده إن كان هيتجوزك يعني.
بندخل في علاقات حب كثيرة وإحنا عارفين أنها فاشلة تماما ونكمل برده وبعد ما تفشل نكتئب وحالتنا النفسية تسوء ونتعقد من الدنيا كلها ويبقوا كل الرجالة زى بعض و بعدين تتجوزي جواز عادي وتقليدي "صالونات" يعني وتقولي نصيبي وتنكدي على جوزك وتخربي بيتك بسبب أنك ممكن تكوني بتفكري في اللي كنت بتحبيه.


ده غير أصلا أن العلاقات دي بتكون في الظلمة من وراء أهالينا ومن وراء الناس ونسينا أن "اللي ما ينفعش يتعمل قدام الناس ما يتعملش من أساسه" وبعد ما الحكاية تتكشف تسوء سمعتك.. ده غير كل ده أننا بنغضب ربنا بعلاقات غير مشروعة.

أنتي لو عاوزة تحبي وهو صرح لك بحبه وعجبك قولي له يتقدم لك وخلى العلاقة في النور قدام أهلك وقدام الناس واضمني لنفسك مستقبل حقيقي .. ماتعلقيش آمال على حاجة مش مضمون استمرارها أصلا.


أنا مش ضد أنك تحبي لكن أتقي الله في نفسك وفي أهلك .. بلاش يا ستي تتقي الله خافي على نفسك خافي على سمعتك بلاش تكوني رخيصة.

ولو أنت معجب بها أتقدم لها وأثبت لها حبك بدل ما تخدعها وتخدع أهلها وتخدع نفسك وإن كان لسه بدري على الأقل عرف أهلها .. وأن كنت مش قد الحب بنحب ليه؟ أصله الحب مش مجرد مشاعر و"بحبك وأنا كمان" و "وحشتني وأنت أكتر" وبعدين؟ مش ده الحب .. الحب مسئولية وحياة كاملة.


بلاش نضحك على نفسنا ونبطل العلاقات اللي انتشرت بطريقة غريبة دي .. جواز الصالونات مش وصمة عار واختار شريكك صح بالطريقة الصح .. ومش عاوزة أسمع سؤال "أنتي مرتبطة؟" ده تاني.




ضحى حلمي


* * *


وكان النقاش كالتالي ........:


- منار قدري: أولا انا فخورة بموهبة ضحى لأني قرأت لها اكتر من حاجه
ثانيا: عاجبني اوي موضوع ثقتها في نفسها و إنطلاقها بكتابتها دون الحذر من النقد و ذاكري احسن لك و الكلام ده
ثالثا: جميل اوي ان الواحد يشتغل هوايته او موهبته لأنه بيبدع فيها جدا مش حاجه بيحبها

- أسماء أحمد: الله بجد دي بنت ربنا يحميها وده اكبر صح وانا كمان راي كده فيها ايه جواز الصلونات وبعدين انتي عمرك ماهتوافقي عليه من غير ميكون في قبول او استلطاف واكيد الحب هيجي بعد كدة
بجد ياضحي ربنا يحميكي ويوفقك يارب وتحققي كل ال بتحلمي بيه

- شيماء لطفي: بجد موضوع جميل قوى وعاجبنى قوى قوى وربنا يوفقك يارب

- عبير الحاج: إلى الأمام دائما

- نورا وجيه زكي: بالتوفيق يا ضحى :)

- شيرين ثروت: ضحى ♥ ♥ ♥
ربنا يوفقك يا حبيبة قلبى

ضحى من اجمل الناس اللى فى حياتى وبتصبرنى انى اكمل ومن اكتر البنوتات اللى بترسم الامل والحب والضحكة على وجهنا جميعا هى المتألقة ضحى حلمي

- محمد بربر: تانى مرة الأقى حد بيقول فيكى شعر يا ضحى . سمعت شيرين على قناة ما بتقول نفس كلامك يا منار . جميل جدا اننا نلاقى حد موهوب وصاحب ثقافة وآراء متميزة فى سن صغير . ربنا يوفقك دايما يا ضحى . لكن تعالى نتكلم عن المقالة المحترمة حتى مع اختلافى معاكى ..اولا ليه بنفترض دايما ان معنى الحب هو ان الشاب يكون ماشى مع واحدة ... ممكن يحبها عن بعد يحبها باحترام تكون
زميلته تكون قريبته ومحافظ عليها وفى الوقت المناسب راح اتقدملها وخطبها ... انا ضد جملة انت مرتبطة او مرتبطة لان الارتباط الحقيقى هو خطوبة وزواج ... الحب زى ما قلتى يا ضحى مسئولية وحياة ... فى نفس الوقت .. ليه كل علاقة بنفترض جدلا انها حب .. مين اصلا اللى بيقدر يسمى الحب من عدمه .. الحب مشاعر لاتموت أبدا ... لك المحبة والسلام والتقدير والدعوات بكل التوفيق

- ضحى حلمي: مش هختلف معاك يا محمد
لتوضيح الصورة أكتر
طبعا مش معني الحب هو أن الشاب يكون ماشي مع واحدة
بس "الحب" بقي دارج بالصورة دي جدا
يعني افقدنا الحب معناه
ومعاك جدا في أن حد ممكن يكون بيحبها عن بعد
ومع أي حد هيقولي أنهم يحبوا بعض قبل ما يتخطبوا
بس مش مع أي حد أن ده يكون في الضلمة


- فاطمة:
شوفوا يا جماعة..جواز الصالونات..جواز ارتباط..اهم شئ التفاهم.. و الاحترام ولادراك..يمكن انتى رؤيتك لسه فى الحياة رؤية نظرية..مش عيشتى تجربة..فا مش شوفتى الموضوع من كل الزواية...اغلب جواز الصالونات..بيبقى واحد جاى عايز عروسة ..بنت حلال ..يفتح معها بيت..بيبقى داخل على اسم و سمعة البيت..سواء بقى مامته اللى بتقول..واحد صاحبه .قريبه..او حتى هو نفسه شاف البنت مرة او مرتين و دخل البيت..وكل ده فى حد ذاته مش عيب..لكن العيب بقى..ان مش بيبقى فى اهتمام فى دراسة الطرف الاخر..ويمكن البنات الاكبر منك شوية و شافو التجربة دى..فاهمين قصدى اكتر...الواحد مش مهتم يشوف..فى اتفاق عقلى و فكرى ولا لأ..وفى بنات واهل يقوله مادام..راجل وابن ناس وكويس..خلاص..وطبعا فرحانين فى الخطوبة و نظهر متزوقين..مش قصدى تزويق الشكل..انما الطباع...والحياة وردى وجنة..ونيجى بقى لما نتجوز...نكتشف الطباع مختلفة...مش مهم تجوزى صالونات ولا حب...المهم تبقى انتى عارفة انت هتختارى الانسان ده ليه؟؟؟؟؟؟هتجوزى عشان ايه؟؟وشايفة العيوب والميزات..وعشان كده انت راضية و هتكملى..مش عشان ابن ناس..ولا عشان مش شايفة فى عيب.ولا خايفة القطر يفوتنى..اتفق معاكى ان الحب الحقيقى لازم يظهر فى العلن والا هيموت..ربنا ماقلش الحب حرام..انما بقى اطار الحب ازاى؟؟؟هو ده اللى يفرق
واتفق مع محمد بربر فى كلامه

- محمد نمرو:
جميل الاخت ضحي انشالله ليكي مستقبل باهر في الصحافه لسبب اساسي انك بتقولي رايك وعارفه تماما انك هتتعرضي لنقد جامد خصوصا ان معظم الشباب بتفكر في العكس جميل ان الانسان يكون عنده مبدأ
انشالله بالتوفيق
طبعا انا اختلف معاكي تماما مع اني شفت جوازات صالونات ناجح جدا
لكن ما اعتقدش اننا لما بنتكلم عن الحب يبقى بالضروره اننا بنتكلم عن علاقه في الظلمه زي ما بت
قولي
وعلى رأي الست لما قالت ياللي ظلمتوا الحب.....الخ
انا معاكي كتير من علاقات الحب بتكون في الظلمه وده غلط طبعا
بس لما نتكلم عن الحب بنتكلم عن عن اجمل معاني المشاعر ومش شرط تكون في الظلمه
اعتقد ان الارتباط عن حب هيكون افضل اذا كان واضح وفي العلن ولما تيجي الفرصه يتقدم الراجل ويبتدي حياته بس مع الانسانه اللي بيحبها واللي بتحبه عشان يقدروا يكملوا
لكن جواز الصالونات فيه عيب طير جدا جدا انتي قلتيها في مقالك وهو ان الانسان اللي هيتقدم هي هتوافق عليه لمجرد انه جاهز ويقدر يعيشها مستقره
لكن دوام الحال من المحال ممكن الحال يتغير وعلى كلامك يبقى مش هتقدر تكمل معاه لمجرد انه مش قادر يعيشها زي ما اتوقعت
لكن مع وجود الحب اعتقد انه هيكون دافع لاكمال مسيره الحياه بحلوها ومرها
وانا اعني الكلمه تماما الحياه حلو ومر مش دايما حلوه
وبالحب بس نقدر نكمل الحياه الصعبه دي اللي احنا عايشين فيها
ربنا يوفقك

- منار قدري:
بصوا يا جماعه هو الموضوع نسبي من شخص لأخر في حد يقبل الجواز بالطريقه دي و حد للأ في حاجات في الدنيا خارج اي قواعد و منها الحب و الجواز و انا معاك يا نمرو بجد اصل العيشه دي مش هاعصر علي نفسي ليمونه عشان اعيش في نفس مستوايا طب ما انا عايشه فيه اهوه ايه الجديد بقي ازود مسئولياتي و خلاص بقيت زوجه لراجل مش بحبه و ام لاطفال مالهومش ذنب اني مش عارفه احب ابوهم الجواز قبول لبدايه مشوار طويل مش رحله هارجع منها وقت ما أذهئ

- ياسمين: فعلا الخلاصة ان الجواز بداية مشوار...فأكيد مش هتقدر تمشى مشوار مع حد ما بتحبوش بس مش عارفة ليه دليما الناس بتحط بيين قوسين كده جنب جواز صالونات(يعنى مفيش حب)لا طبعا اكيد بيتوجد لو الاشخاص مناسبة لبعضها عموما انا شايفة ان جواز لازم يكون فى حب وانا مع الناس اللى فاهمة الحب صح مش فاهماه بمعناه السائد الايام دى...باختصار الحب احساس ما بيتوصفش فى كلمات لكن بيتترجم فى تصرفات واهمها الحفاظ على الطرف التانى والعطاء بلا حدود والتضحية حتى لو على حساب نفسك

- ضحى حلمي: ببساطة كدة
الحب مالوش شرط
ومش شرطه أنه يكون قبل الجواز
ياما ناس اتجوزت "صالوناتي" - كتعبير دارج - وبيحبوا بعض جدا
وأنا شوفت والدي ووالدتي كدة .. وشوفت كتير من أهالي أصحابي كدة برده
وبرده ياما ناس حبوا بعض قبل الجواز وبعد ما اتجوزوا كرهوا بعض

وفيه برده جوازات صالوناتي مش بتنفع نهائي
وجواز عن حب بينجح

مالهاش قاعدة ....

الفكرة من المقالة .. هو عرض لظاهرة "مرتبطين" اللي بقت اسمها حب
بيشوهوا صورة الحب نهائي
مع العلم أن لما أنا احب زوجي فدي عبادة

وعرض لظاهرة أن دايما العلاقات بتكون في الضلمة
وبأكد على دايما دي لأني فعلا عددهم أقل من 1% اللي بيكونوا في النور
طب ليه ....؟؟!!!!

أهم حاجة بس
أننا نراعي ربنا في العلاقات دي
ونبقي عارفين ايه صح وايه غلط .. ايه ينفع وايه ماينفعش


- بدوية: انا انسانة لا اؤمن بالحب قبل الجواز حتقولون عني معقده او متخلفة بس انا انسانة غير مؤمنة بهذا الشئ ...
مؤمنة بأن اللي عاوزني هيدخل البيت من بابة بدون طرق ملتوية واذا عاوز يتعرف عليها يخطبها ويتعرف يا يكملو يا يفسخو ..
وحابة اقول كلمة لأختنا في الله:
صدقيني اذا انتي ماخفتيش على نفسك صدقيني محدث حيخاف عليكي اكثر منك على نفسك واللي بيشوفك مسترخصاها هيسترخصها هوا كمان .. خليكي غاليه عشان يستغلاكي على نفسه .. وجواز الصالونات احسن من جواز الحب من جميع النواحي..

- منار قدري: ايه رايك يا بدويه في ضحى ؟

- بدوية: قلم انسانة واعية وما استغرب من هذا الشئ ..
فيه عقول اكبر من سنها ... وفيه بنات سبحان الله عقلهم بيوزن بلد ..
الله يحفظها ويخليها لأهلها ويكثر من امثالها ....

- منار قدري: تسلمي لي يا حبيبتي و هي فعلا بنوته جميله وواعيه و تستاهل كل الخير


* * *

شكرا على كل كلمة حلوة قولتوها
شكرا على كل دعوة بتمني أنها تستجاب
شكرا لصفحة (تحبها سادة ولا سكر زيادة؟)
شكرا منار قدري


ضحى حلمي