03‏/08‏/2009

ســــــر اللـقــب

(2)




في أخر الأيام المنحوسة دي كانت سارة صحبتي تعبانة جدا وبما أن بابا صيدلي أخدتها عنده وقعدوا يتكلموا مع بعض وقالت له هي بتشكي من ايه ..؟!!


المهم أنا صحبتي اتفتحت في الكلام .. وبطني بتوجعني ودماغي مصدعة طول الوقت ومرهقة على طول والقولون العصبي (ألا هو فين القولون العصبي ده ؟؟) وقلبي يا عمو حلمي .........


وهي قالت قلبي من هنا أنا طحت فيها .. ايييييييه هتموتي هنا !! ده أنتي مسبتيش حتة ما اشتكيتيش منها ..!! يا شيخة ده أنتي لما هتبقي دكتورة اللي هيجي لك هتطيحي فيه : أنت عيان !! أمال أنا أعمل ايه !! برااااااااااااااااااااا ......
يا شيخة هتموتيني بسكتة!!


بابا دخل في الحوار بعد ما سارة قالت لي : أنتي تسكتي خالص .. أنتي أصلا مش حاسه باللي أحنا فيه .. أنتي متأكدة أنك في الثانوية معانا ..؟!!
كل صحابنا تعبانين وأنتي الوحيدة اللي سليمة مشوفتكيش مرة بتشكي من حاجة ولا متضايقة شوية .. على طول مبتسمة وبتضحكي ومش في الدنيا ولا كأن فيه أي حاجة (الله أكبر في عينك) وكلنا اصلا بنقول عليكي رايقة ومش على بالك حاجة .. حتى استقبال البنات ليكي مش بيبقي عادي كده كله بيقول "روقان وصل" .. ارحمينا بقي


- بابا : سارة .. ضحى بنتي دي
((طالب الثانوي الذي لم يدخل ثانوي))


بصيت لبابا أوي ووقعت على نفسي من الضحك
الراجل عنده حق برده ......




ضحى حلمي

هناك 5 تعليقات:

bos bos يقول...

هههههههههههههههههههههههه

غير معرف يقول...

قشطه يا ضحى
احلى حاجه فى الدنيا هو الروقان
يعنى اللى اتعصبوا واخدوا الموضوع على اعصابهم عملوا ايه ؟؟؟
ولا حاجه
تعبوا نفسهم وخلاص والموضوع جه بالسلب عليهم
وطبعا انا اولهم
يلا كلمى باقى الحلقات .. مستنينهم يا جميل
انجى

غير معرف يقول...

قشطات عليك يا معلمة
يخربيت دماغك
يعنى هما خدوا منها اية اللى وجعوا دماغهم

بنوتة مصرية يقول...

تحفة تحفة بجد التوبك لزيز موووووووووووووووت

3mr wa2el يقول...

حدوتة حلوة المفروض تسميها معانتى مع مدرسيني يبقى احسن دنتى طلعت عين المدرسين و هما طلعوا عينك ههههههههههه المهم ربنا يحميكي و يسعدك