09‏/07‏/2010

AIDA في بورسعيد


AIDA


صاحب الشركة دي هو ......
Michael Thamm


الراجل ده فكر أنه يعمل شركة رحلات بحرية ألمانية ... وفعلا عمل AIDA وهي أسطول من 7 سفن :
AIDAcara - AIDAvita - AIDAaura - AIDAdiva - AIDAbella - AIDAluna - AIDAblu

تعتبر رحلات عايدة هي الأولى في ألمانيا
الخدمة عالية جدا ومجهزة بأحسن الأجهزة .. فاخرة ومريحة .. مليئة بالمساحات الواسعة وفيها مسرح ومنتجع يعتبر من الأفضلية في العالم .. تقدر عليها تمارس الرياضة ... وفي مطاعمها بيقدم أحسن الأطباق الفرنسية والألمانية
على سطحها تقدر تستمتع بالسباحة في المسابح الواسعة ... و الحصول على وقت إسترخاء .. و الحصول على حمامات الشمس
كمان تقدر تتسوق في المركز التجاري الموجود فيها
وبتديك الفرصة لزيارة بلاد ومنتجعات مختلفة والرحلة فيها مش ممكن تكون مملة أبدا

رحلتها بتكون في : البحر المتوسط وشمال أوروبا وبحر البلطيق وجزر الكاريبي والخليج العربي وحول جزر الكناري

أسطول عايدة فريد من نوعه .. في التصميم وسبل الراحة فيها
الإجازة فيها مذهلة ولا تنسى .. رحلاتها جذابة للشباب
ومع كل خدماتها الرائعة فأسعارها عادية مش غالية زي الرحلات التانية ... ومن بحثي كدة لقيت أعلى حاجة 2000 يورو للفرد - بالنسبة لعملتهم فيا بلاش -


السفينة دي أنا شوفتها في بورسعيد ... وأنا في المعدية لفتت نظري جدا بشكلها الرائع واصريت امشي من جنبها عشان أشوفها من قريب ... كانت راسية عند الممشي (الممشى هو المنطقة اللي على القنال .. أهل بورسعيد وزوارها عارفينه كويس) ... الممشى كله كانت مقفول وممنوع مرور أي عربية منه مسموح بس للمشاه بالعبور .. والأمن كان مالي الشارع بطوله لأن الأتوبيسات - سوبر جيت على حق - كانت راجعة بركاب عايدة اللي كانوا بياخدوا جولتهم في بورسعيد

ولما قربت من السفينة انبهرت جدا بيها وكنت بندم عشان مش معايا كاميرا أصورها

وفكرت .... ايه المانع لما اجرب رحلة زي دي ...؟


ضحى حلمي

هناك تعليقان (2):

safa7_karmooz يقول...

وليه مش تركبى حاجه زى كده؟؟

صلاح منتصر قعد فترة فى ملحق السيارات بتاع الجمعه يحكى عن تجربته فى حاجه زى كده وفيها ناس "رايقة" بتطلعها كل سنة :D

حوشى ودوسى عالطوول ^_^

غير معرف يقول...

هو 5000 يورو يعادل كام بالجنيه المصري؟؟؟