07‏/09‏/2009

ساعة مذاكرة

(5)







آآآآآآآه ملعونة المذاكرة على الكلية على اللى عاوزها .. يا باباااااااا أنت بتعلمني ليه أنا مقولتش أني عاوزة أتعلم .. عااااااا الدرس مش راضي يتذاكر أستغفر الله العظيم أعمل ايه أنا الواقتي؟ .. أنا أصلا حمارة ومخي مضلم ومبفهمش ومش هفلح أنا فاااااااااااااااااشلة .. إهئ إهئ عااااااااااااااا.


ده اللى بيحصل بالظبط لما بتخنق من المذاكرة واجيب أخري خالص وبرمي الكتب ع الأرض وبشد في شعري وكتير بقطع كشاكيل وكتب .. وبعدين ارمي نفسي على السرير وأنام أو ابحلق في السقف واعيط وبفكر ازاي اذاكر البتاع ده بأي طريقة وأن معرفتشإن شاالله عنه ما اتذاكر هاخد ايه يعني؟ ولا حاجة ! أنا هدخل الإمتحان كدة واللى يحصل يحصل بقي .. وفجأة تخطر في بالي فكرة الإنتحار ايوه أنا هنتحر زي اللى انتحروا السنة اللى فاتت ماهما زمايلي برده كلنا رياضة وابقي أنا خبر السنة دي.


إنتحار طالبة في كفر الشيخ .. هل أصبح هذا هو مصير أبنائنا؟
قد انتحرت الطالبة ضحى حلمي من محافظة كفر الشيخ قبل بداية الإمتحانات بليلة وقد أفاد الشهود بأنها صرخت قائلة "مفيش فااااااايدة أنا فاااااشلة" .. ووجدت جثتها تحت بلكونة غرفتها.....................


ايوه ده مصيرهم يا إما هنتجنن بقي يعني نعمل ايه ماهو لو مدخلتش كلية قمة ابقي ضيعت كل حاجة وشكلي قدام الناس وأهلى هيقولوا ايه؟؟ خلاص بقيت عار عليهم .. احنا بقينا بنفكر كده واراهن إن مفيش طالب في الموكوسة دي مبيقولش كدة.


وبعدين بقي في الليلة الهباب دي؟؟ والعمل ايه؟؟ ماهو يا إما اتخمد يا إما اذاكر .. طهقت من المذاكرة ومش طايقاها ومش عارفه أنام .. أمتي اخلص بقي وافك نفسي من السجن ده بقي ساعتها هنسي أني كنت اعرف حد من الثانوية سواء كانوا طلبة ولا مدرسين مش عاوزة اعرفهم تاني جابولي الهم كلهم وهولع في الكتب دي بإذن الله .. سنتين زفت ده اللى هيكلمني بعد كدة هفجره محدش له دعوة بيا بقي سيبوني ده ايه ده !! يا منظمات حقوق الإنسان إلحقونا .. طب يا منظمات حقوق الحيوان ده لو كلب هيرأفوا بيه حد يسأل فينا حرام اللى بيتعمل فينا ده عاااااااااااااااا.


هي هي هي هي هي أنا أتهبلت وبقيت بكلم نفسي يادي الهنا اللى أنت فيه يا قلبي .. هو فيه ايه أنا مالى فيا ايه !! أنا انام أحسن.




ضحى حلمي

هناك تعليق واحد:

زهرة يقول...

المزاكره اااااه يانى

بس والله ساعات بتكون حلوة وفل

بس نكون رايقين ومصحصحيييين